Seanca V e Bordit të ZRRE-së në 2025
Më 30.04.2025, Bordi i Zyrës së Rregullatorit për Energji ka mbajtur seancën e pestë për vitin 2025. Në këtë seancë, Bordi i ZRRE-së ka shqyrtuar Bilancin Vjetor të Energjisë Elektrike për vitin 2025, si dhe ka shqyrtuar dhe aprovuar shtatë kërkesa nga personat fizik dhe njëmbëdhjetë kërkesa të subjekteve juridike për marrjen e autorizimeve për vetë-konsum, me kapacitet total të instaluar prej 1131.88 kW.
Zyra e Rregullatorit për Energji (ZRRE) njofton opinionin publik se më 30 prill 2025 (e mërkurë), duke filluar nga ora 13:30, do të mbahet mbledhja e pestë e Bordit të ZRRE-së, sipas agjendës së bashkangjitur.
Zyra e Rregullatorit për Energji (ZRRE) njofton opinionin publik se Bordi i ZRRE me datë 16.04.2025 ka aprovuar edhe Tarifat për Shfrytëzimin e Sistemit të Transmetimit, Operimit të Sistemit dhe Operimit të Tregut, si dhe Tarifat për Shfrytëzimin e Sistemit të Shpërndarjes, të cilat tarifa janë të detyrueshme për të gjithë Furnizuesit e energjisë elektrike në tërë territorin e Republikës së Kosovës, përfshirë edhe Furnizuesin e energjisë elektrike Elektrosever.
Zyra e Rregullatorit për Energji (ZRRE) zhvilloi sot një takim informues me furnizuesit e energjisë elektrike që operojnë në Republikën e Shqipërisë, në ambientet e Entit Rregullator të Energjisë (ERE) në Tiranë. Qëllimi i këtij takimi ishte informimi i operatorëve të tregut shqiptar mbi ecurinë e procesit të liberalizimit të tregut të energjisë elektrike në Republikën e Kosovës.
Sot, Zyra e Rregullatorit për Energji (ZRRE) ka mbajtur një takim me të gjithë furnizuesit e licencuar në Republikën e Kosovës. Ky takim kishte për qëllim diskutimin gjithëpërfshirës të të gjitha çështjeve që lidhen me procesin e liberalizimit të tregut të energjisë elektrike në vend.
