Bordi i Zyrës së Rregullatorit për Energji njofton se sot, më datën 28 mars 2025, ne ora 11:00, do të mbahet mbledhja e dytë për vitin 2025. Kjo mbledhje do të zhvillohet në përputhje me agjendën e mëposhtme:
Zyra e Rregullatorit të Energjisë (ZRRE) dëshiron të sqarojë opinionin publik se aktualisht nuk është marrë asnjë vendim për rritjen e tarifave të energjisë. Me qëllim që të sigurohet transparencë dhe të krijohet mundësia e një dialogu të hapur nga të gjitha palët e interesuara, ZRRE-ja ka vendosur të ndajë për konsultim publik Raportin Konsultativ për të Hyrat e Lejuara Maksimale.
Kryesuesi i Bordit të ZRRE-së, Z. Ymer Fejzullahu dje mori pjesë në një takim konstruktiv me përfaqësuesit e Odës Ekonomike Gjermano- Kosovare. Ky bashkëbisedim kishte për qëllim shqyrtimin e kërkesave dhe sfidave të bizneseve në sektorin e energjisë, me një theks të veçantë në procesin e liberalizimit të tregut të energjisë.
Kryesuesi i Bordit të ZRRE-së, z. Ymer Fejzullahu, ka marrë pjesë si panelist në Konferencën e Tretë Vjetore të CorrWatch, e cila u mbajt në Prishtinë më 25 mars 2025. Gjatë kësaj konference, z. Fejzullahu theksoi rëndësinë e përfshirjes së publikut në proceset e vendimmarrjes dhe ndau eksperiencën dhe angazhimin e ZRRE-së në sigurimin e një procesi të hapur dhe të drejtë.
Kryesuesi i Bordit të ZRRE-së, Z. Ymer Fejzullahu dje, më 25 mars 2025, mori pjesë në një takim konstruktiv me përfaqësuesit e Aleancës Kosovare të Bizneseve. Ky bashkëbisedim kishte për qëllim shqyrtimin e kërkesave dhe sfidave të bizneseve në sektorin e energjisë, me një theks të veçantë në procesin e liberalizimit të tregut të energjisë.
